الزين له رونق وعُرْف وعوايد
يعني ليا من مرّ .. لازم تصفّق
وانا إذا شفته .. أعِدّ القصـايد
واقـول: ياشعري عساك اتوفّق
حبيبتي .. ياللي قديمـك جدايد
أنا على شوف الجديد مْتشفّق
فـ/مْواصلك رحمة وعدّة فوايد
أقـَـلّها.. شوقي عليك يتـرفّق
تدرين وش يقهر ذوات القـلايد؟
إنّـك طبيعيّه.. وحلاهـن ملفّق
وجهـك إذا طـلّ الصباح يتزايد
نور وشعاع الشمـس منْه يتدفّق
مانتي مثل غيرك يقـطّ الوسايد
ويقوم لجل يشوف وجهٍ مْصفّق
محبكم
ليست هناك تعليقات:
إرسال تعليق