أدري منالك صعب يا أجمل الخلْق
وادري بك لغيري واشوفك تحبّـه
لكنّ ذا قلبي وذي غصّـة الحلْق
ما اقدر على ذبّك ولا اقدر أذبّه
دربك زلَق رجلي وانا ماعْرف الزلْق
طبع الثقل ويّـاك شِفني أكبّـه
لاشفتك معدّي وراك انطلق طلْق
وان قلت: خير اقول: عفواً مشبّـه
وانا عليك آموت واستاهل الفلْق
مريض .. يبغى طبّ ماهو بطبّه
عن غيرك من الناس لي خافقٍ غلْق
يبطي .. ولا غيرك حبيبي يطبّـه
ولو يملك الإنسان قُـدرة على الخلْق
خلقت لي "إنسان" مثلك .. أحبّـه
وتقبلوا تحياتي
محبكم محمد الشهري
ليست هناك تعليقات:
إرسال تعليق