أنا ماجيتـك افتــح سالفـــة ماضي
أنا جيت امسـح الماضي بسالفـْـتي
ولا جيتـك .. أمثــّل حضرة القـاضي
وانا المقضي عليّ .. بجرْح عاطفْـتي
أنا مشكلتي .. أنّـي غير متغــاضي
ولا يسبق هــدوئي .. غير عاصفْـتي
أعيش .. وعيشتي ماهي على الفاضي
أموت .. وموتتي تسوى مجـازفْـتي
أنا .. وان ماقدرت اعـالج امراضي
قدرت اعالج جروحــك بمعرفْــتي
لأنّي بختصـار من الزمــن قـاضي
وشفت بعيني .. اللي مابعـد شفْـتي
ركضـت .. ومادريت لوين مركـاضي؟
وقفـت .. ولا عرفت بوقفــتي أفْـتي
نهاية مُـحبطه .. لكن على انقـاضي
نهَض غيري .. وقام بفضْـل تكلفْـتتي
وانا ماني بمــنّ .. وأُبـدي اعراضي
لكنّ القهـر .. من يرغب مُـناصفْـتي؟
تناهـيدي / سهـر ليلي / تهيّــاضي
كتـاباتي / أنين البـرد / أرغفْـتي
نصيتك .. والرجا في لحظـة انهاضي
من احـلام الفقر .. وفراش أرصفْـتي
خذيني .. لو ذبلت وجفّـت ريـاضي
أنا مُـنهـك .. خذيني لو تلطّـفْـتي
أنا لا أملك من الشعـر .. واغراضي
سوى نزف الحبر وطعـون مُـترفْـتي
لذا .. لا تحْـسبيني شخص فضفاضي
أنا شاعـر .. ولي حزنـي وفلسفْـتي
ولا أبغـض علي من زود إبغاضـي
لحفنــة ناس .. تتسـلى بعاطفْـتي
سوى إحسـاسي اللي ماهو براضي
يجرّدني من الماضـي .. وأنزفْـتـي
فـ/لو حيّرك هالإحســاس فـ تغاضي
أنا أحيـان .. مدري ويش سالفْـتي؟
وتقبلوا صادق مودتي لكم
ليست هناك تعليقات:
إرسال تعليق