إفتراق الأيدي وقطْـع الأواصـر
غربةٍ .. مابعدها بتشوف غُرْبـه
والله ان الحب في الوقت المُعاصر
عيّش العشّاق في ضيقه وكُرْبـه
الهوى زعزع حكومات وقياصـر
جنّته فالسِّلْم تشبـه نـار حرْبـه
والمحب انْ مالقى دعم ومُناصـر
والله الاّ يروح من يومه فْشُرْبـه
أربعة أشهر وانا قلبي مُحاصـر
في رِجا خلّي واكون انّي بقُرْبـه
لكن الله ما كتب .. والحظ قاصر
إفترقنا .. وكلّ منّـا راح درْبـه
واشترك بفراقنا عـدّة عناصـر
أشهد انّ المال والعذّال .. ضَرْبه
كنّه البيرق وانا الفرعون ناصـر
أجْدر الشعّار فيه .. ولا ظفرْ بـه
ليست هناك تعليقات:
إرسال تعليق