على بابك

على هالصّـبح مدري ويش ودّاني على بابك؟
تقل كنّي على موعد لفيت .. وشايل ٍ قلْبي

وانا ادري منت فاتح لي ولا عِـدني من احبابك
ولكنّ الوله أحيـان .. مدري وين ياصلْ بي؟

عسى الله منْك لا يقطع رجـاي بطولة غيابك
أنا مثلك ضحيّـه للهوى .. والواقع السـلْـبي

إلى هالحين احبك والزمن أبطى .. ولا جـابك
لِذا جيتك.. وانا في جيّـتي مُقـْدِم على صَلْبيـى.

تعال اذبح بي الباقي .. ولا تتمـالك اعصابك
نعم بعدك قرفــْت بعيشتي .. والشوق بهذلْ بي

أموت ابْـرك .. ولا افكّـر أعيش بغيـر جِلبـابك
ولا به غيرك من الناس له قـُـدره على جَـلْبي

لذلك .. لا تضيق انْ شفتنـي .. وتقول: طـَلاّبك
أنا لا يمكـن اطلب ما منحته .. لو على غُـلْبي

لأنّه .. ما بقابـي روح تتنفّـس مـن اسبابك
عشان اجيـك في هـذا الصبـاح اطالب بقلْبي



أخوكم
محمد الشهري